Azərbaycan təhsilində ilk

Azərbaycan təhsil tarixində ilk dəfə olaraq yeni bir layihə həyata keçirilir.

BiG.az-ın Təhsil Nazirliyinə istinadla verdiyi məlumata görə, "Sağlam təhsil-sağlam millət" layihəsinə əsasən "Sağlam təhsil sinfi"ndə tədris hərəkətdə təlim şəraitində həyata keçirilir. Şagird masaları həm qismən oturaraq, həm də ayaqüstə çalışmaq imkanı yaradır. Bu masaları hazırda istifadə edilən məktəb masalarından fərqləndirən ən mühüm cəhət onların səthinin nisbətən maili olmasıdır. Belə maillilik şagirdin vizual dərketməsi baxımından xüsusi əhəmiyyət kəsb edir. Sinif otaqlarındakı digər avadanlıqlar da layihəyə uyğun hazırlanaraq yerləşdirilib. 

Azərbaycanda müəllimlərə əməkhaqqı müjdəsi

"Bakıda növbəti maliyyə ilində sınaq qiymətləndirilməsindən keçmiş hər bir müəllim bunun nəticələrini özünün əməkhaqqında hiss edəcək. Sınaq qiymətləndirilməsi keçirilməyən regionlarda müəllimlərin əməkhaqlarının artırılması məsələsi gündəmdə olmayacaq". 

Trend xəbər verir ki, bunu Bakı şəhərinin təhsil işçilərinin sentyabr konfransında çıxış edən təhsil naziri Mikayıl Cabbarov deyib.

Onun sözlərinə görə, məktəb direktorunun vəzifələrindən biri məktəbdə dərs yükü bölgüsünün aparılması və optimallaşdırılmasına çalışmasıdır, lakin hazırkı mənzərə fərqlidir: "Belə ki, bir çox müəllimlərin dərs yükü 1 stavkadan da aşağıdır. Belə olan halda əməkhaqqının artırılmasının nə faydası? Ona görə də biz onun tərəfdarıyıq ki, əvvəlcədən dərs yükü optimallaşdırılsın, reallığı əks etdirsin. Bunun ardınca dərs saatının pul dəyəri qalxsın. Sınaq qiymətləndirilmə bununla bağlı ilk addım idi".

Artıq Bakıda müəllimlərin sınaq qiymətləndirilməsinin başa çatdığını deyən nazirin sözlərinə görə, sınaq qiymətlədirilmədə müəllimlərin 14 faizi aşağı, 64 faizi qənaətbəxş, 18 faizi isə yüksək nəticə toplayıb. Bu nəticələti çox vacib sayan M.Cabbarov bildirib ki, hər bir müəllimin fəaliyyətinin qiymətləndirilməsi ilə bağlı müvafiq qərarların qəbul olunması üçün bu nəticələr çox vacibdir: " Məsələn, dərs bölgüsü, sinif rəhbərliyi, müəllimlərin vəzifədə irəli çəkilməsi kimi məsələlərdə sınaq qiymətləndirilmənin nəticələri nəzərə alına bilər. Hesab edirəm ki, nəzərə alınmalıdır”.

AZƏRBAYCANIN ƏRAZİ BÜTÖVLÜYÜ DƏSTƏKLƏNƏN SƏNƏDƏ ERMƏNİSTAN DA İMZA ATIB

NATO-nun Uels sammitində qəbul edilmiş yekun bəyannamədə keçmiş sovet respublikalarının ərazi bütövlüyü və suverenliyinin müdafiə edilməsi ilə bağlı bəndlər əksini tapıb.

“NATO Ermənistanın, Azərbaycanın, Gürcüstanın və Moldovanın ərazi bütövlüyü və suverenliyini müdafiəsi ilə bağlı öhdəliklərinə sadiqdir. Mövcud şəraitdə alyans Cənubi Qafqazda və Moldovada münaqişələrin beynəlxalq qanunvericilik əsasında və dinc yolla həllinə yönəlik səyləri dəstəkləməkdə davam edəcək”, – deyə sənəddə qeyd edilirdi.

İnanılmaz: İspaniyada su pərisi tapıldı - VİDEO

İspaniyanın Atlantik okeanı sahillərində su pərisi tapılıb.

Görüntüləri yayılan su pərisi dünya mediasında şok effekt yaradıb.

Görüntülərdə sahilə çıxardılmış su pərisi ölmüş vəziyyətdə əks olunur.

Hadisə ilə bağlı rəsmi mənbələr hər hansı açıqlama verməsə də, alimlərin bu barədə araşdırma aparacağı bildirilib.


            .

Bakida sehirli yol polisi--VIDEO

Bakıda yol polisi avtomobilinin qeyri-adi videosu yayılıb. Avtosfer.az-ın məlumatına görə, Neftçilər prospektində çəkilən videodan görünür ki, DYP avtomobili görüntünün məhdud olduğu yerdə gizlənib. Qəflətən hərəkətə başlayan avtomobil bir anda yük maşınının arxasında yoxa çıxır. Əslində, diqqətli oxucularımız DYP maşının necə yox olduğunu başa düşəcək. Hər halda, videonun maraqlı olduğunu nəzərə alıb təqdim edirik: