Azərbaycan ağır artilleriyasını Ermənistanla sərhəd bölgəsinə yığır,Döyüş təyyarələri də havaya qaldırılıb...

Azərbaycan və Ermənistan qoşunlarının təmas xəttində gərginlik davam edir. APA TV-nin Qarabağ bürosunun əməkdaşları gün ərzində təmas xəttində çalışıblar. Büronun məlumatına görə, gecə Qapanlı kəndi istiqamətində döyüşlər davam edib. Azərbaycan Silahlı Qüvvələrinin bölmələri düşmənin hücumunu dəf ediblər, düşmənin çoxlu sayda itki verdiyi bildirilir. Hazırda itkilərin sayı dəqiqləşdirilir. Azərbaycan hərbçilərindən yaralananlar var, yaralılar Müdafiə Nazirliyinin bölgədəki xüsusi vertolyotları vasitəsilə Bakıya göndəriliblər.

Məlumata görə, ordumuzun ağır artilleriyası və canlı qüvvəsi Ermənistanla sərhəd olan bütün cəbhəboyu istiqamətinə yığılır.

Bu gün Azərbaycan Müdafiə Nazirliyindən APA-ya verilən məlumatda isə bildirilirdi ki, Azərbaycan döyüş təyyarələrini havaya qaldırıb. Azərbaycanın döyüş təyyarələri cəbhə xətti üzərində uçuşlara başlayıb.